الاثنين، يونيو 21، 2010

غيرتنا الايام



غيرتنا الايام و لا حنا تغيرنا 

كنا قلب واحد  دوم 

شكوانا

فرحنا

و حزننا 

وحتى احلامنا 

لكن اليوم 

ما صار شي يجمعنا كبرنا ولا غرتنا الدنيا

صار كلا لحاله يعيش 

اه ليتني صغيرة

 أجري و العب و اضحك بأعلى صوت 

ليتني ظليت طفلة بدميتي العب 

كل الدنيا في نظري لعبة وضحكة 

ما انجرح ولا احمل في قلبي هم 

اصعب انواع الجرح لمن يكون منك و فيك

لا تقدر تتجاهله و لا تتقدر تتداريه 

يحرق في القلب جمر انت حاميه

منك اللهب  ومنك يكون الضيم 

اه ياقلب 

على صغرك ياكثر تحملت 

ساكت وراضي

 لكن

الجرح ينزف مو راضي يطيب 

مشكلة قلبي الحنون لمن يكون بين ناريين 

نار عزيز

 و نار اغلى حبيب

تنحرق و تنكوي من الجهتين 

ولازم ماتفارق الدمع العين 

حتى دمعي محسوبة علي حساب 

وش تقول ياقلب لو سألوك ليش  الدمع؟

مافي كلمة في قاموس اللغات 

توصف جرح أغلى انسان لقلب غاليه

كفاية ياقلب جرح ونزيف 

كفاية الم و دمعة الاسحار